Ыйдааҕы туому ыытыы Партизан орто оскуолатыгар үгэскэ кубулуйбута уон сыл буолла. Биир да ыйы көтүппэккэ, оҕолор сахалыы таӈастарын кэтэн, алаадьылаан кытталлар.
Бу ыйдааҕы туом алтынньы 22 күнүгэр Хотой Айыыга ананна.
Бу ыйбыт түмсүүлээх буолууну, эйэлээх сыһыан тупсарын түстүүр. Үөрэххэ, үлэҕэ күүс ылар алгыспытын кытары, кыһыҥҥа үктэммиппитин бэлиэтиир арыылаах алаадьы амсайдылар. Алгыһы ыйын аайы төрүт культура учуутала Вера Гаврильева оӈорор.
Оскуолабыт девиһэ «Киһи буолан киэркэйиҥ, Саха буолан сандаарыҥ!» диэн.
П. Скрябина, Партизан