Олунньу 10 күнүгэр Хатыҥ Арыы нэһилиэгин дьаһалтатыгар «Хотой» дружина бу сылга бастакы мунньаҕын ыытта.
Мунньаҕы командир Мичил Герасимов иилээн ыытта. Сүбэ мунньахха нэһилиэк участковайа Эрчим Васильевич Николаев ыалдьыттаата. Дружинниктарга профилактическай рейдэлэргэ тахсыыга уопсай ирдэбиллэри сиһилии кэпсээтэ. Межведомственнай рейдэҕэ тахсыыга полиция участковайын рапорыгар эбии дружинниктар докладной сапыыскалара суруллан тиһиллэрин бэлиэтээн эттэ.
Дружинниктары кытары ыйга биирдэ учуокка турар дьоҥҥо рейдэҕэ тахсыы, сөптөөх график оҥоһуллан, полицияны уонна дьаһалтаны кытта сүбэлэҥ баттанан холбоһуктаах рейдэлэргэ тахсыыны, сокуоннай саастарын ситэ илик оҕолору кытары үлэлэһэр инспиэктэри кытары рейдэҕэ тахсыы туһунан кэпсэтии барда.
Командир Мичил Борисович быйыл ДНД 10 сылын бэлиэтииллэрин чопчулаан эттэ. Хамаанда кэккэтигэр эдэр уолаттары киллэрии туһунан этилиннэ. Баһылык Иван Ноговицын нэһилиэгин дружинниктарыгар профилактическай үлэни күүскэ ыытылларын иһин махтанна, уонна бэс ыйыгар нэһилиэккэ буолаары турар үбүлүөйдээх холбоһуктаах ыһыахха күүс-көмө буолалларыгар ыҥырда. Аны саас халаан уутун сэрэтиигэ, күһүн госдума быыбарыгар, нэһилиэк араас таһымнаах тэрээһиннэригэр дружинниктар көмөлөрө наадатын тоһоҕолоон эттэ.
Дружинниктар сыллааҕы былааннарын торумнаан, СӨ бюджетыттан олохтоох бюджетка народнай дружина үлэлииригэр сыллата ыытыллар субсидия куонкурсугар кыттан, үлэлииргэ бэлэмнэр.
Надежда Сивцева