Олунньу 26 күнүгэр Намнааҕы ис дьыала министерствотын отделын начальнига Михаил Михайлович Кокарев көҕүлээһининэн Аппааны сэлиэнньэтигэр уонна Нам сэлиэнньэтин сорох уулуссаларыгар баһаартан уонна түөкүннээһинтэн сэрэхтээх буолууга профилактическай рейдэ ыытылынна.
Бу күн күнүс 4 чаастан киэһээ 10 чааска диэри 11 маршрутунан – Нам улууһун административнай комиссията-1, «Хотой» ДНД-4, ОГПС-3, Намнааҕы УСЗН-1, «Берегиня»-1, полиция сотрудниктара-12 киһи буолан Аппааны сэлиэнньэтин Лена, Пролетарская, И.Решетникова, Кэскил, Д.Сивцева, И.Винокурова, Аммосова, Новая, Озерная, 50 лет Победы, Е.Гоголева о.д.а уулусса олохтоохторугар профилактическай бэсиэдэ аахтылар.
Уопсайа рейдэ кэмигэр 129 профилактическай буклеттары түҥэттилэр.
Рейдэҕэ Хатыҥ Арыы нэһилиэгин
«Хотой» дружинниктара Никита Килбясов, Леонид Чупров, Тарас Сивцев, Виктория Охлопкова кыттыыны ыллылар. Рейдэ кэмигэр олохтоохтор ыттарын босхо ыыталлара, ыаллар ааннарын арыйбаттарын туһунан информация киирбит.
Салгыы маннык рейдэлэр Нам улууһун сэлиэнньэлэригэр ыытыллыахтара.
Надежда Сивцева