Бүгүн, алтынньы 28 күнүгэр, Хатыҥ Арыы нэһилиэгин дьаһалтата, МАУ «Спектр», ыччат уонна спорт отделын эр дьоно анал байыаннай дьайыыга сылдьар уолаттар уонна сырдык тыыннара быстыбыт буойуттар 11 дьиэ кэргэттэригэр анаан муус ылан саҕалаатылар.
Нэһилиэкпит тэрилтэлэрэ шефтээх ыалларыгар уопсайа 30 ыалга муус ылан тиэрдэллэр.
Маны тэҥэ, Хатыҥ Арыы нэһилиэк дьаһалтата, тэрилтэлэрэ, общественность уонна олохтоохтор улуустааҕы акцияҕа кыттыһан харчынан, бурдук аһынан, сир аһын барыанньатынан, собонон, көмүскэнэр сетканан көмө оҥороллор. Тэрилтэлэр шефтээх уолаттарыгар маны таһынан посылка оҥорон бэлэмнээтилэр. Ол курдук, ветераннар уонна пенсионердар сэбиэттэрэ 43500 солк. харчыны хомуйда, тэрилтэлэр 1 күннээх хамнастарын биэрдилэр. Түөлбэлэр, нэһилиэк дьахтар сүбэтэ барыанньанан көмө оҥордо.
Нэһилиэкпит тэрилтэлэрэ: Намнааҕы техникум, И.Е. Винокуров аатынан Хатыҥ-Арыы орто оскуолата, Затоннааҕы ситэтэ суох оскуола, «Хатыҥчаана», «Сандаара», «Ромашка», «Мичээр» оҕо уһуйааннара 130 устуука минньигэс эт бэрэскитин астаатылар.
Бу курдук Хатыҥ Арыы нэһилиэгин дьоно-сэргэтэ өйөбүл, күүс-көмө буолаллар.
Надежда Сивцева