Хатыҥ-Арыы нэһилиэгэр сааскы халаан уутуттан сэрэтии үлэлэрэ былаан быһыытынан бара тураллар.
Ол курдук, нэһилиэк баһылыга Иван Ноговицын 2026 сыл олунньу 24 күнүнээҕи 015/02-17 дьаһалынан, халаан уутун туоратыы, сэрэтии 12 подкомиссиялаах комиссия тэриллибитэ.
Уопсайа нэһилиэк дьаһалтатын иһинэн 40 араас хайысхалаах дьаһал таҕыста.
Граф Биэрэгэ 888 киһи олорор (Намнааҕы техникум устудьуоннара киирэн туран) о.и. 195 оҕо киирэр, 8 социальнай обьект, 28 МКД, 582 дьиэ баар. Кыһыл Дэриэбинэҕэ 283 киһи о.и. 96 оҕо баар, 2 социальнай обьект, 45 дьиэ, МКД 10. Аппааны сэлиэнньэтигэр 2366 киһи о.и. 877 оҕо, МКД -35, 582-дьиэ баар.
Нэһилиэккэ 50 киһини олордор ПВР (пункт временного размещения) Аппааны сэлиэнньэтин Е. Гоголева 11 уулуссаҕа спортсаалаҕа үлэлиэҕэ, маны тэҥэ И.Е. Винокуров аатынан Хатыҥ-Арыы орто оскуолатыгар 50 киһини олордор эбии пуун баар буолуо.
Сүөһү ПВС «Бэс бааһыната», «Озернай» квартал олбуордарынан, сылгы , сылгы базаларынан, үрдүк сирдэринэн үүрүллүөхтэрэ.
Кулун тутар 20 күнүттэн саҕалаан түөлбэ салайааччылара олохтоохторго ууттан сэрэхтээх буолууга араспыыска тарҕата, баттата сылдьаллар. Туһааннаах комиссиялар үлэлэрин хайысхаларынан үлэ ыыталлар.
Ол курдук ыраас уу, эмп, бородуукта, уматык өттүнэн дуогабардар баттаннылар. Нэһилиэкпит дьонун халаан уутугар сэрэхтээх буолалларыгар ыҥырабыт.
Надежда Сивцева