Аппааны бөһүөлэгин «Чороон» норуот айымньытын киинигэр «Сыл бастыҥнара – 2024» ыытылынна. Бу күн ааспыт сылы түмүктээн туран, нэһилиэкпит сайдыытыгар сүҥкэн кылааттарын киллэрсибит, араас хайысхалаах тэрээһиннэргэ, үлэҕэ-хамнаска көхтөөх кыттыыны ылбыт тэрилтэлэр, түөлбэлэр чиэстэннилэр. Нюргуяна Адамова, Семен Аргунов үөрүлээх тэрээһини иилээн-саҕалаан ыыттылар. Нэһилиэк баһылыга Иван Ноговицын үүммүт саҥа сылынан эҕэрдэлээн туран, Бочирова Оксана Вилгельмовнаҕа «Хатыҥ Арыы нэһилиэк сайдыытыгар кылаатын иһин» бэлиэни туттарда.
«Нам улууһа» МТ культураҕа уонна духуобунай сайдыыга управлениетын начальнига Семен Ядрихинскай сыл бастыҥнарын эҕэрдэлээн туран, Василий Бурнашевка «Ветеран художественной самодеятельности РС (Я)» бэлиэни, «Народный мастер Намского улуса» бочуот знагын Любовь Поповаҕа, Валентина Эверстоваҕа туттартаата.
«Сыл бастыҥнара – 2024» номинация кыайыылаахтарын, сыл бастыҥ спортменнарын бэлиэтиир, анал баһылык бириистэрин, бастыҥ түөлбэ аатын үөрүүлээхтик аһыы дьоро киэһэтинэн «Ивушка» вокальнай ансамбль. (сал. Александра Баишева), Андрей Слепцов, Петр Машников, Анна, Петр Охлопковтар эҕэрдэлээтилэр.
Сыл бастыҥ лауреат спортсменнарга кубок уонна номинациялары Хатыҥ Арыы нэһилиэк МТ ыччат уонна спорт отделын директора Егор Бурнашев туттартаата. Бастыҥ спортсменнарынан буоллулар: Сивцева Мария (дартс), Федоров Денис (мас-рестлинг), Сивцев Роман (мини-футбол), Старостин Арслан (мини-футбол), Петрова Сайыына (дзюдо), Новгородова Роксолана (мас-рестлинг), Замятина Татьяна (дартс), Саввинов Станислав (чэпчики атлетика), Соловьева Наталья (төрүт оҕунан ытыы), Корчанова Евдокия (буулдьанан ытыы), Литвинова Марина (адаптивнай спорт).
Нэһилиэк общественнай олоҕор сыл бастыҥ үлэлээх тэрилтэлэрин бэлиэтиир, общественнай тэрээһиннэргэ, социальнай–экономическай сайдыыга, культура эйгэтигэр үрдүк көрдөрүүнү ситиспит бастыҥтан бастыҥнарга, кыайыылаахтарга номинация туттарыыта буолла. Номинация кыайыылааҕынан буоллулар: «Лучший сельхозтоваропроизводитель» — индивидуальнай предприниматель Василий Петров, «Лучший сельхозтоваропроизводитель» — “МТС Агро” тыа хаһаайыстыбатын оҥорон таһаарар кооператива, председатель Владислав Соловьев, «Лучший социальный партнер» — «Копир Плюс» ХЭТ (ген.дир. Новгородов Б.Г.), «Содействие» — «Стройуниверсал» ХЭТ (ген.дир. Николаев М.В.), «Сыл бастыҥ общественнай түмсүүтэ» — ийэлэр иистэнэр сыахтарын Хатыҥ Арыытааҕы филиала «Сыдьаайа» түмсүүтэ (сал. Мальцева Д.И.), «Достижение года» — “ОПМФКиС” МБУ (дир. Бурнашев Е.К.), «Руководитель года» — Матвеева Туйара “Ромашка” оҕо саадын сэбиэдиссэйэ, «Семья Года» — Хатыҥ Арыы нэһилиэгин биир бастыҥ, киэн туттар ыала Марианна Дмитриевна, Егор Елисеевич Эверстовтар дьиэ кэргэн, «Коллектив Года»-Намнааҕы техникум (дир. Жирков Нь.М.), «Творческий коллектив» — «Чороон» НАК (дир. Пономарева С.Д.).
Нэһилиэк баһылыга Иван Ноговицын анал аатын туттарда — “Үтүө дьыала – үтүө холобур”–Леонид Соловьевка, “Үтүө санаа” -волонтер кыргыттарга Миролюбовь Сивцева, Татьяна Замятина, Луиза Эверстова, Елена Оконешникова, Мария Сивцева, Марфа Сивцева, “Биир ситим үлэ”- «Цветы» маҕаһыын индивидуальный предприниматель Диалектина Касьянова, «Биир ситим үлэ» анал аат — «Управления капитального строительства и архитектуры МО «Намский улус» директор э.т. Алексей Кондаков, “Бастыҥ общественник” — Мичил Герасимов, “Үтүө өйдөбүл” – И.Д. Винокуров – Чаҕылҕан аатынан Нам начальнай оскуолатын коллективыгар директор Надежда Слепцова, “Үтүө өйдөбүл” – З.П.Винокуров аатынан Намнааҕы оҕо искусствотын оскуолатын Хатыҥ-Арыытааҕы филиалыгар, сэбиэдиссэй Александра Колесова, “Үтүө холобур” – индивидуальнай предпринимательгэ Владислав Федоров, “Суһал көмө” – индивидуальнай предпринимательгэ Виталий Марков, ”Өрөгөй”–Хатыҥ-Арыы нэһилиэгин ветеран спортсменнарын хамаандатыгар командир Лебедева Оксана.
Сыл устата түөлбэлэр икки ардыларыгар ыытыллыбыт күрэх түмүгүнэн кыайыылаахтарынан уонна номиннаннар ааттаннылар. 1 миэстэ – “Саһарҕа” түөлбэ Аппааны бөһ. – сал.Любовь Максимова кубогынан уонна 100.000 сууммалаах сертификатынан, 2 миэстэ — «Сандаара» түөлбэ Кыһыл Дэриэбинэ, сал. Александра Платонова кубогынан уонна 75.000 сууммалаах сертификатынан, 3 миэстэ — “Виктория” түөлбэ, сал. Туйара Максимова кубогынан уонна 50.000 сууммалаах сертификатынан, “Восход” Граф Биэрэгэ сал. Анджела Алексеева 25.000 сууммалаах сертификатынан, «Чэчир» түөлбэ Аппааны бөһ. сал. Марианна Винокурова 25.000 сууммалаах сертификатынан, «Озернай» түөлбэ Аппааны бөһ. – 15.000 сууммалаах сертификатынан, «Молодежнай» түөлбэ Аппааны бөһ. – 15.000 сууммалаах сертификатынан наҕараадаланнылар.
Нэһилиэкпит бастыҥнарын, культураҕа, спортка, общественнай олоххо көхтөөх нэһилиэкпит олохтоохторун өссө төгүл үүммүт саҥа сылынан эҕэрдэлээн туран, саҥа сылга ситиһиилэри, эйэлээх олоҕу баҕарабыт.
Надежда Сивцева, Аппааны