Сылын ахсын уу кэлиитигэр бэлэмнэнии туһунан киэҥ ыҥырыылаах мунньах буолла.
Ыам ыйын 14 күнүгэр 15:00 чаастан Ыксалаах быһыы-майгы управлениетын салайааччыта Николай Монастырев, улуус мунньаҕын депутаттарын бэрэссэдээтэлэ, халаан уутун кэмигэр биһиги нэһилиэккэ куратор Алексей Винокуров уонна улуус тыатын хаьаайыстыбатын салайааччыта Владимир Макаров олохтоохтору кытта көрүстүлэр.
Мунньахха Партизан нэһилиэгин тыа сирин түөлбэтин баһылыга Алексей Зырянов иһитиннэрии оҥордо, хайдах бэлэмнэнии баран иһэрин кэпсээтэ.
Улуустан кэлбит салайааччылар иһитиннэриилэрин, тэрилтэлэрбит информацияларын иһиттибит.
Түөлбэлэр салайааччылара төһө ыаллаахтарынан распискаларын баттатан бүтэрбиттэрин иһитиннэрии оҥордулар. Тыа хаһаайыстыбатын специалиһа Юлия Фёдорова сүөһүнү-сылгыны хаайар хааччах бэлэм, салаа уута эбиллэн эрэр, аллараа мэччийэр сүөһүлэри сарсыарда иһитиннэрии кэнниттэн ытыахха наадатын эттэ.
«Нэһилиэкпит дьоно бары бэлэмнэнэн, баайбытын-дуолбутун тардынан, сүөһүлэрбитин-сылгыларбытын хааччахха хайаан бэлэм олоруохха», — диэн мунньаҕы бүтэрдэ баһылык Алексей Зырянов.
Бары сэрэхтээх буолуохха диэн ынырда.
П. Скрябина