Бу күннэргэ Хатырыкка ыксаллаах быһыы-майгы комиссиятын үлэтэ күүһүрэн турар. Олохтоох дьаһалта специалиһа Татьяна Местникова иһитиннэрбитинэн, нэһилиэк дьоно-сэргэтэ намыһах сирдэртэн сүөһүлэрин таһаартаан күрүө абырахтыы сылдьаллар.
Быһыттаахха быстах кэмнээх пууҥҥа (ПВС) бу күннэргэ 369 крс(ынах), 114 сылгы тахсарга бэлэм. Олохтоох дьаһалта үлэһиттэрэ, түөлбэ салайааччылара, депутаттар дьону биирдиилээн кэрийэн өйдөтүү үлэтин ыыппыттара, уведомление туттарбыттара, сарсыҥҥыттан ыаллары кэрийии өссө күүһүрүөҕэ. Дьон-сэргэ быстах кэмҥэ кэлэн түһэригэр, олороругар 50 ммиэстэ бэлэмнэниэхтээх (ПВР), үлэһиттэрэ бэлэмнэр. 13 нормативнай-правовой акта тахсыбыт, ону таһынан локальнай правовой акталар эмиэ. Бу күҥҥэ оскуолаҕа 133 оҕо үөрэнэриттэн, детсад 44 оҕото бары эвакуацияланар сирдэрэ биллэн, чопчуланыы үлэтэ бара турар. Хатырыкка оҕолуун-уруулуун, бу күҥҥэ, барыта 589 киһи баар (бу иһигэр 2 оҕолоноору сылдьар ийэ, 1 маломобильнай барар сирдэрэ чуолкайданыллыбыт).
Ыам ыйын 12 күнүгэр Нам улууһун баһылыгын солбуйааччы Ф.В. Николаев, Н.В. Монастырев кэлэ сылдьан, ыксаллаах быһыы-майгы комиссиятын мунньаҕын ыыппыттар. Халаан уута үрдээн кэлэр түгэнигэр төһө бэлэммит туһунан дьүүллэһиллибитэ. Сүөүһү, кыыл өлүктэрин уматар сир бэлэм, онно анаан уматарга транспорт көлүөһэтин шиналара бэлэмнэниллэн тураллар.
Вертолетнай площадка бэлэм, 500 л. уматык кэлбитэ. Нэһилиэнньэ ортотугар өйдөтүү, халаан уутун сэрэтии үлэлэрэ быыстала суох бара тураллар.
Бэйэ информ.