Көбөкөн нэһилиэгэ сааскы халаан уута кэлэн этэҥҥэ ааһарыгар бэлэмнэнии үлэтин күүскэ ыыта сылдьар.
Нэһилиэккэ 263 киһи олорор, мантан оҕото 87. Ынах— 230, сылгы — — 438.
Халаан уутуттан эмсэҕэлиэн сөптөөх 2 дьиэ баар: 5 улахан киһи, 1 оҕо. Сэрэтии үлэ ыытылынна, уведомления түҥэтилиннэ.
Көбөкөн нэһилиэгин «Эр хоһуун» эр дьон түмсүүтэ нэһилиэк тула бүтэйи өрөмүөннээтилэр. Ынах -сүөһү, сылгы, дьиэ кыыллара өрүскэ киирбэттэрин туһугар нэһилиэк бүтэйэ сабылынна.
Олохтоох дьаһалта, нэһилиэкпит депутаттара, общественноһа, түөлбэ салайааччылара, тэрилтэ салайааччылара өйдөтүү үлэтин ыыттылар. Бүгүҥҥэттэн, ыам ыйын 14 күнүттэн, олохтоох дьаһалта Көбөкөннөөҕү орто оскуола, «Эрэл» уһуйаан, Көбөкөннөөҕү НКТЭ учаастак, П.П. Ядрихинскай — Бэдьээлэ сынньалан киин, Көбөкөннөөҕү балыыһа уонна кыра тэрилтэ үлэһиттэрэ халаан уутун кэтээн көрүүгэ дежурство олохтонно.
Дьоммут -сэргэбит быстах кэмҥэ кэлэн түһэллэригэр 50 миэстэлээх быстах пункт тэриллиннэ. Сылгылаах дьоммутугар быстах кэмҥэ халаан уута муҥуутуур кэмигэр Сылгы Бастаах сайылыгар күрэттэрэллэрин туһунан тыа хаһаайстыбатын специалиһа Надежда Ивановна өйдөтөр үлэ, ону тэҥэ уведомление түҥэттэ.
Бөртөлүөт түһэр сирэ бэлэм.
Нэһилиэкпит олохтоохторугар өйдөтөр үлэ быыстала суох барар.
Олохтоох дьаһалта