Кулун тутар 7 күнүгэр нэһилиэкпит кэрэ аҥардарыгар сааскы маҥнайгы бырааһынньыгынан «Эһиэхэ эрэ анаан» эҕэрдэ кэнсиэри нэһилиэкпит эр дьоно көрдөрдүлэр. Кэнсиэри эр дьон ансаамбыла «Бар дьоммор» ырыанан саҕалаата.
Сунтаар курдук ыраах улуустан элбэх оҕолоох Захаровтар дьиэ кэргэн уоллара Захаров Александр Петрович кэлэн, ийэтигэр Любовь Семеновнаҕа «Туйаарыма Куо» ырыаны уонна сибэкки дьөрбөтүн бэлэх уунна.
Кэнсиэри эр дьон «Ферма кыргыттара», Кавказскай үҥкүүлэринэн, «Икки сирэй» көрдөөх сыаҥканан, мелодист ыалдьыт, аккомпаниатор Аскалон Егоров «Дэриэбинэм», «Баяным», Дмитрий Жирков «Мин дьоллоох эбиппин», Александр Герасимов «Санаабын өйдөөрүүй» ырыаларынан киэргэттилэр. Александр Тимофеевич сибэкки дьөрбөтүн олоҕун аргыһыгар Ирина Васильевнаҕа бэлэх уунна.
Эҕэрдэ кэнсиэр эр дьон ансаамбылын толоруутугар «Эн баар буолаҥҥын» ырыанан түмүктэннэ. Көрөөччүлэр, ыалдьыттар олус астынан, дуоһуйа сынньанан, үөрэн-көтөн тарҕастылар.
Саргылана Попова, 2 Хомустаах