«Түһүлгэ» норуот айымньытын киинигэр «История нашего единства» быыстапка аһылынна.
Быыстапкаҕа Нам улууһун «Ситим» коллекционердар түмсүүлэрэ, салайааччы Мария Аманатова «Аан дойду алгыстаах таастара, чугдаарар чуорааннара”, Афанасий Васильев «Кэллим манна киэн туттан кэрэ кэммин ахта саныы» сэбиэскэй кэми көрдөрөр үгүс атрибутика: плакат, значок, открытка уо.д.а, Семен
Алексеев «Норуоттар доҕордоһуулара” тиэмэнэн 27 араас дойду бэргэһэлэрин, cэлээппэлэрин коллекциятын туруорда.
Быыстапка аалай лиэнтэни быһыыттан саҕаланна. Мария Аманатова түмсүү үлэтин сырдатта, коллекциятын билиһиннэрдэ, Афанасий Васильев Өктөөп суолтатын, хайдах саҕалаабытын, инники былааннарын сырдатта.
Эҕэрдэ тыллар этилиннилэр, ырыа да ылланна, тэрээһини культура туйгуна Татьяна Гаврильева иилээн-саҕалаан ыытта.
Салгыы оскуола оҕолоругар викторина тэрилиннэ.
Быыстапка сэтинньи 12 күнүгэр диэри үлэлиэҕэ. Быыстапканы кэлэн көрүҥ, дойдубут историятын интэриэһиргээҥ.
Screenshot
Screenshot
Маргарита Охлопкова