Үөрүүлээх сонун.
М.К. Аммосов аатынан Хатырык орто оскуолатын 8-с кылааһын туйгун үөрэнээччитэ, көӈүл тустууга Дальнай Восток, Саха республикатын элбэх төгүллээх чемпиона Леонид Тимофеев Россия спордун маастарыгар кандидат буолбутун туоһулуур дастабырыанньаны тутта.
Кинини Саха республикатын үтүөлээх тренерэ Илья Афанасьевич Обутов көӈүл тустууга уһуйбута. Леонид төрөөбүт оскуолата 95 сааһын туолар өрөгөйдөөх күнүгэр спордунан да, үөрэҕинэн да дьоһун бэлэҕи оӈордо. Леонидка ситиһиилэри баҕарыаҕыӈ!
Маны тэӈэ былырыыӈӈыттан Хатырыкка бокса куруһуогун Гадимов Махир Рамиз Оглы ситиһиилээхтик үлэлэттэ.
Утумнаахтык дьарыктанан Обутов Игорь, Слепцов Коля, Стручков Марк Х-с юн. разряд, Бусаинов Мичил, Левин Сайаан 2-с юн. разряд нуорматын толордулар.
Левин Сайаан 8-с кылаас үөрэнээччитэ «Бастыӈ боксер» аатын ылан грамотанан наҕараадаланна.
Уолаттарбытыгар ситиһиини баҕарыаҕыӈ!
Эрчим Баһыл