Россия ЫБМ министерствотын комиссията Нам уонна Хаҥалас улуустара суһал, ыксаллаах балаһыанньаҕа бэлэмнэрин бэрэбиэркэлээтэ.
Биэдэмистибэ специалистара ыксаллаах балаһыанньаҕа улуустар төһө бэлэмнээхтэрин сыаналаатылар.Сүрүн болҕомто айылҕа алдьатыылаах күүстэриттэн нэһилиэнньэни харыстыырга ууруллар.
Нам улууһугар уу ылар нэһилиэктэрин бэрэбиэркэлээтилэр, 4 баһаарынай чааһы көрдүлэр. Быстах кэмҥэ дьону олохтуур 3 пуун быыһыыр оборудованиетын, эмин-томун, аһын-үөлүн саппааһын бэрэбиэркэлээтилэр. Куттала суох зонаҕа тиэрдэр суол кыһалҕалаах учаастактарын көрдүлэр.
Бэрэбиэркэ статистиката этэринэн, Нам улууһугар 28 500 киһи олорор. Быстах кэмҥэ дьону олохтуур 3 пуун 450 киһиэхэ суоттаммыт. Халаан уутугар 9 нэһилиэк ылларар кутталлаах.
Алексей Шульгин, Россия ЫБМ министерствотын киин аппаратын комиссиятын салайааччыта:
«Хангаласский и Намский районы в целом готовы к сезону паводков и пожаров, но есть зоны, требующие особого внимания. Мы видим хорошую работу местных пожарно‑спасательных подразделений и активную вовлечённость администраций. Однако для полной уверенности нужно устранить выявленные недочёты — особенно в части оповещения жителей отдалённых сёл и укрепления защитных сооружений. Все рекомендации будут переданы региональным властям, и мы будем контролировать их выполнение».
Бэйэ информ.
Источник: ГУ МЧС России по Республике Саха (Якутия)