Аҕыйах хонуктааҕыта уһуйаан үлэһиттэрин идэлээх күннэрэ бэлиэтэннэ. Бу күн Хамаҕатта «Тускул» уһуйаан иитиллээччилэрэ, төрөппүттэрэ эҕэрдэ эриэккэһин, болҕомтолорун анаан, махталларын биллэрэн үлэһиттэри долгуттулар , үөртүлэр.
Тэрилтэ профкома коллективка бэртээхэй сынньалаҥы тэрийдэ.
Бу күн «Хамаҕатта нэһилиэгэ» МТ баһылыгын солбуйааччы Владлен Москвитин бастыҥ үлэлээхтэри, үбүлүөйдээхтэри эҕэрдэлээтэ.
«Түһүлгэ» норуот айымньытын уус- уран салайааччыта Татьяна Гаврильева тэрээһини ситэрэн-хоторон биэрдэ.
Араас куонкурустар, оонньуулар ыытылыннылар.
Тэрээһиммитигэр спонсордаатылар: предприниматель Саргылана Зоирова, «Сүүрээн» бааһынай хаһаайыстыба,салайааччы Александр Жирков.
Куруук биһигини өйүүр дьоммутугар коллектив аатыттан барҕа махталбытын тиэрдэбит. Бу курдук көмөлөсүһэн, өйөһөн салгыы да үлэлиэҕиҥ.
Коллектив үлэни сынньалаҥы дьүөрэлээн салгыы үлэлиир-хамсыыр.
«Тускул» уһуйаан профкома