Партизан нэһилиэгэр Д.И. Кривошапкин аатынан «Хомус» фольклор дьиэтигэр батик техникатыгар аптаах маастар-кылаас бэҕэһээ, алтынньы 28 күнүгэр, буолан ааста.
Нэһилиэкпит кэрэ аҥаардара бэйэлэрин илиилэринэн таҥаска дьикти кэрэ ойууну айаннар, саҥа дьоҕуру арыйдылар. Маастар-кылааһы Намнааҕы педагогическай колледж уруһуйга преподавателэ Виктория Михайлова оҥордо.
Далбар хотуттар батик дьикти кистэлэҥнэрин билэн, сырдык, сылаас эйгэҕэ айар куту уһугуннаран, дуоһуйа сынньанан, биирдии бэйэлэригэр бэлэх оҥостон тарҕастылар.
Полина Скрябина