Бүтүн Россиятааҕы “Кубок Ил Дархана” нуучча дуобатыгар улуустааҕы “Олимпик” спорт оскуола иитиллээччилэрэ Гаврильева Василиса, Амбросьева Арина уонна Олесов Саян таһаарыылаахтык күрэхтэспиттэр.
Наммыт улууһун спордун оскуолаларын дуобатчыттара үчүгэй көрдөрүүнү биэрбиттэрин бэлиэтиибит.
Гаврильева Василиса дуобат күрэхтэһиитин икки көрүҥэр 3-с миэстэлэри ылбытын тренерэ Надежда Протопопова этэр. Ол курдук, Василиса молниеноснай уонна түргэн дуобат түһүмэхтэригэр оонньуур таһымын көрдөрбүт. Күрэхтэһииттэн күрэхтэһиигэ оонньоон опыт мунньунар Олесов Саян классика түһүмэҕэр бириистээх миэстэҕэ бэрт кыранан тахсыбатах. Намнааҕы алын кылаас оскуолата икки дуобатчыт үөрэнээччилэрдээҕинэн киэн туттар – Гаврильева Василина уонна Олесов Саян.
“Дуобакка күрэхтэһээччилэр үс программаҕа оонньууллар. Холобура, классика программатыгар 30 мүнүүтэ оонньууллар. Оттон түргэн дуобат 8 мүн. Молниеноснайка кыайыылаах 3 мүнүүтэ иһигэр быһаарыллар”, – диэн быһаарар тренер Надежда Георгиевна.
Ону тэҥэ, дуобат тренерын үөрүүтэ үксүүр – Амбросьева Арина күрэхтэһиититтэн. Кыыс дуобаты өрө тутара биир да күнү көтүппэккэ дьарыктанарыттан көстөр. Намнааҕы 1-кы нүөмэрдээх оскуола 2-с кылааһын үөрэнээччитэ Арина үчүгэй өрүккэ өсөһөр хаачыстыбалааҕа хайҕаллаах. Василисаны эккирэтэн оонньуута тахсыбыта этиллэр.
Харысхан Попов